Բարի օր 2
«Բարի օր 2»-ում տաքսիստ Հենդոն ցանկանում է, որ այլևս ոչ ոք իրեն չստի։ Երբ նրա ցանկությունը կատարվում է, ճշմարտությունը վերածվում է զվարճալի, անկանխատեսելի և երբեմն ցավոտ փորձության։
Տաքսիստ Հենդոյի կյանքում կրկին հրաշք է տեղի ունենում։ Հոգնելով ամեն քայլափոխի հանդիպող ստից՝ նա ցանկանում է, որ այսուհետ բոլորը միայն ճշմարտությունն ասեն իրեն։ Սակայն կատարված ցանկությունը շատ արագ խախտում է նրա սովորական կյանքը։
Հենդոն նոր հնարավորությունն օգտագործում է կոռուպցիան, կեղծիքն ու հասարակության շինծու բարքերը բացահայտելու համար և արժանանում մարդկանց հարգանքին։ Բայց երբ բացահայտվում է նաև իր սեփական սուտը, նա ստիպված է լինում առերեսվել ճշմարտության իրական արժեքին և փորձել վերադարձնել կորցրածը։
«Բարի օր 2»-ը կատակերգություն է ստի և ճշմարտության, ընտանիքի ու հասարակական հարաբերությունների մասին։ Ֆիլմը հումորով հարցնում է՝ արդյո՞ք մենք իսկապես պատրաստ ենք միշտ լսել ճշմարտությունը։
Ռեժիսորներ՝ Արման Սարգսյան, Գրիգոր Գասպարյան
Գլխավոր օպերատոր՝ Արթուր Ուստյան
Մոնտաժ՝ Kelvin Film Lab
Գունաբաժանում՝ Kelvin Film Lab և Միհրան Ստեփանյան
Kelvin Film Lab-ն իրականացրել է ֆիլմի մոնտաժը՝ կառուցելով կատակերգական ռիթմը և պահպանելով պատմության դինամիկան։ Գունաբաժանումը Kelvin Film Lab-ը կատարել է Միհրան Ստեփանյանի հետ՝ ստեղծելով ամբողջական, վառ և ֆիլմի հումորային միջավայրին համապատասխան տեսողական լեզու։